Eindelek binne wiej dan zo varre

een stukkie uut het eerste personeelsblad van de berghuuzer

Eindelek binne wiej dan zo varre

Ziezoo, eindelek binne wiej dan zo varre, dat wiej binnenkört het groote féés gaot vieren van 't tweehonderd vief tig joorig bestaon van de Barghuuzer pepierfabriek.

Zie kwammen biej mi en en hèb mien evraog of ik een stukkien in deze krante wo skrieven aov er wat er alzoo in die tweehonderdvisftig jaor gebeurd is. Ik hèp toén ezèg dat zak probéren. Noe steeke wiej maor zo mètiene van wal. Ik wil de direktie en de àndeelholders in de eerste plààsse van harte filisiteren mèt het 250-joorig bestaon van de febriek;

. naomens arbeiders en arbeidsters.

Noe ik het toch aov er de arbeidsters hebbe, wil ik zèggen, dat die er niet zooveule meer bint als vrogger. Want toen warkten er veule van die deerns in de pakkàmer. Dat is mèt de tied ok alweer veranderd. Ik wééte nog goed dat Dieks zo mer aak el vülle schik van Garregien had en dat hiej verscheiden réémen etèld hèf veur Garregien; umdat hiej z66n schik van die deerne had. In die tied kréégen ze 11/2 sent veur een réém, die ze klooremaak hadden. Dat hèf Dieks wè gèld ekos; Garregien is laater mèt Roelf etrouwd. Hak nog denke àn Roelf, de pepiermaker. Die is o1der as ik en die hèf mi en wèl es veteld, hoe het veur jooren terug ge to~gunk, toen d olde Meneer Cramer nog op de feb riek leup.

Roelf zèj: 'ik mosse vrogger vààke overwarken. Ik had ies een keer 24 uur ànééne ewark en was toen èffen op de banke gaon liggen. Da d olde Sjèf, Meneer Kraay, toen téégen mi en zèj.: 'Jongie, het is nog vul te vrog um te gaon liggen; iej mut nog 12 uur staon.'

Roelf had toen, zoowat àn iene, net zo lang ewark, asdat noe de dagploeg in d'hééle weeke dut.

Ienn kéér is Roelf zien kiele tussen de rolle van de rol-mesiene ekommen. Die hèffe toen maor loaten zitten. Hiej zèj: 'das veur de afnemmer van 't pepier.'

'En dat hèf d olde Meneer Cramer gien gèld ekos, want die kiele hep ze toen mee eweugen en dat was veurdeel veur de feb riek.'

Roelf hèf ok méé emak dat ze van stoom op elèktries egaon bint .•

Hiej kréég ien kér een skup van d olde Meneer Cramer. Toen stond Roelf mèt een paar vrouwluu te praoten; die waren ànt weegen en hiej stund toen op een snipper pep ier. Meneer Cramer zèj toen: 'Vent, iej staot op mien brood!'

D,o1de Free, dat was vrogger ok wat. Dèrk en Gàit mossen met hem warken. Op een keér wollen Dèrk en Gait néét méér en kréégen ruuzie mèt d'olde Free. Zie wollen méér gèld hèbben.

D,olde Fréé leup toen nao de Sjèf toe en zèj: 'die vènte wilt niet méér warken!' Toen kwàm d,olde Sjèf biej die vènte en zèj: 'jongens, wiej niet méér warken?'

Dèrk zèj: 'Sjèf, biej z66n kéérl as Free kuj niet warken en dan veur 6 gulden in de weeke.' En Dèrk en Gait zèjjen: 'Sjèf, as d,olde Free de bienen een kéér kepot krig, dan hèbbe wiej dat edaon!'

De Sjèf hèf dat toen wéér biejespiekerd.

Ja, zoo kank wèl deurgaon; àj zoo ànt schrééven bint, dan kunne wiej der wel een boek van mààken over Cramer zien febriek. Ik wil noe er dan ok mee uutscheijen.

Ik hàpe, dat wiej allen méé zult war ken urn er z66n goed féés van te mááken, dat ze laater zult zèggen: 'Jonge, zoas ze met het 250-joorig bestaon eféés hèpt, kunne wiej niet verbeetern!'

Wiej zult dus ofspreeken, dat wiej saovens saam een groote pooleneeze maaken zult deur de héél feb riek hèn, met de direktie veurop.

Ik hoope dan ok dat al die dit leezen zult, het féés méé kunt maaken. Dan wense ik oe allemaole varder het beste toe. Gegroet.

Dieks van de heujzàlder.

15